Polomolok, South Cotabato–Gikabutyag ni Polomolok Municipal Councilor Atty. Leo Cordova nga usa sa iyang nakita nganong hangtod karung panahona wala pay gibutang nga PNP Chief si Pangulong Duterte sukad nga mipahawa sa pwesto si kanhing PNP Chief Oscar Albayalde human nalambigit ang pangalan niini sa isyu sa ninja cops mao nga gitun-an pag maayo sa pangulo ug ginalantaw ang background sa kinsa mang mapili niya isip labaw sa kapulisan tungod kay dili na niini gusto nga mahitabo pa susama kang albayalde nga nalambigit sa dili maayong binuhatan.
Samtang sa kabahin usab ni South Cotabato Governor Reynaldo Tamayo Jr. nga gihuna-huna matud pa pagmaayo ni PRRD ang pagpili niini nga mahimong sunod nga PNP Chief tungod dili na kini gusto nga mosayop pa sa iyang mapili hinungdan nga hangtod karung panahona wala pay nabutang nga labaw sa kapulisan sa nasud.
Nagtuo usab si Tamayo nga dili kini makaapekto sa mga programa sa PNP gumikan kay duna may OIC nga kasamtangang nagdumala karon sa han-ay sa kapulisan ug nagtrabaho man usab ug tarong sa iyang katungdanan. (Reynald Timario)
