Davao City – Mireklamo sa Task Force Davao check point sa Sirawan Toril ang usa ka menor de edad human gibastos sa iyang katupad nga pasahero samtang sakay sa bus gikan Digos Davao Del Sur padung sa dakbayan sa Davao.
Sa blotter sa Toril PNP, daling gi endorso sa mga personahe sa Task Force Davao ang menor de edad ug ang suspek nga nagpailang usa ka pari nga Indian national alas 5:00 sa hapon.
Gisaysay sa biktimang nagpangidaron og 17 anyos, nga gipislit sa suspek ang iyang paa ug hangtud nga miaksyon na kini ug pasulod sa iyang kamot ilalom sa palda sa menor de edad.
Pag abot sa Check Point sa Task Force Davao mireklamo ang estudyanteng menor de edad sa pagbinastos sa iyang katupad nga pasahero ug daling giendorso ang duha sa mga personahi sa TFD sa Toril PNP aron pormal nga ma inbestigahan.
Gibalhog na ang suspek nga langyaw nga nagpailang pari sa selda sa Toril Pnp nga posibling mapasakaan ug kasong acts of lasciviousness.
RadyoMan Erin Lumosbog
