Davao City – Nagpatala sa Sasa Police Station ang usa ka pari nga si Boy Roland Ong, 55 anyos, ug nagpuyo sa Murado Homes Subdivision, Cabantian, Buhangin District ning syudad, human gigamit sa wala mailhing mangingilad ang iyang pangalan.
Nasayran, usa ka higala sa maong pari giilang si Maria Elena Cunanan nagpahibalo kaniya nga nakapadala na siya og P500 sa pera padala alang kaniya.
Natingala na lamang ang pari sa gisulti ni Cunanan tungod kay wala man siya nakig-istorya sa ginang sa FB account aron mangayo sa maong kwarta.
Dugang saysay ni Cunanan, usa ka Alfredo Nopales ang mikontak kaniya pinaagi sa FB nga magpadala og kinyentos pesos ang nasangpit nga pari.
Tungod niini, wala na maglangan ang nasangpit nga pari sa pagdangop sa Cyber Crime Unit sa Presinto 4 aron ipatala ang naasoy nga insidente.
Nakumpirma sa imbestigasyon nga usa diay ka fake account ang gigamit sa mangingilad ug padayong gisusi aron madakpan ang tawo nga migamit sa pangalan ni Fr. Ong aron madakpan.
RadyoMaN Joel Viray
