Buruanga, Aklan – Tama it holen halin sa boga rong naangkon it sangka eaeaki matapos nga binoga kabii sa sangka birthday party sa Sitio Capampangan, Brgy. Cabugan, Buruanga.
Nakilaea rong biktima kay Edgardo Zaspa Apolinario, 33-anyos ag residente it Brgy. Katipunan sa nasambit nga banwa samtang rong suspek nakilaea kay Jason Prado Ibon, 27-anyos ag residente man it Brgy. Cabugan.
Base sa imbestigasyon it Buruanga PNP nga ginhinyo it biktima sa suspek nga hinaan ro volume it videoke pero gulpi eamang nga binoga it suspek ro biktima sa anang itsura.
Matapos raya hay insigida nga gindaea ro biktima sa hospital.
Samtang rong suspek eagi man nga naaresto it mga kapulisan ag na recover man rong boga nga gingamit.
Kaina suno kay Police Staff Sergeant Richard Filaro hay nag istorya man eon ro magtimbang nga parte ag posible iga settle ro nasambit nga problema.
