Gipusil patay ang usa ka lalaki sa iya ra usab nga kaugalingon parynte nga nahitabo sa Purok 2, Barorawon, lungsod sa Kalilangan, Bukidnon.
Naila ang biktima nga si Magu Lindungan, 40 anyos, minyo ug nagpuyo sa Purok 3 sa susamang dapit.
Sa taho sa kapulisan, gitudlong suspek nga mipusil sa biktima ang mismong paryente niini nga nailang si Rex Baratumo alyas ‘ignu’ hingkod ang pangidaron ug lumulupyo sa nasangpit nga dapit kinsa giingon usab nga lango sa ilimnong makahubog ang suspek.
Naka-angkon ug samad pinusilan sa tiyan ang biktima nga daling gidala sa Provincial Hospital sa Lungsod sa Kalilangan ug gibalhin ngadto sa Maramag Emergency Hospital aron sa pagpatambal.
Personal nga panagbingkil ang nakitang motibo sa maong panghitabo diiin dali usab nga misibat ang suspek sa wala masutang direksyon human sa maong krimen.
Sa karon, padayon pang gipangita sa kapolisan aron masikop ang suspetsado. (Reno Taguibulusan)
