General Santos—Balhog karon sa mabugnawng selda sa Polomolok Police Station ang usa ka traysikel drayber human kining positibong gitudlo sa usa ka menor de edad nga batang babaye nga nanglugos.
Subay sa report nga nahagpat sa RMN Gensan sa Polomolok PNP nga misakay matud pa ang usa ka 13 anyos nga babaye gikan sa Merkado Publiko sa Polomolok og magpahatod sa ilahang panimalay sakay sa traysikel apan inay nga sa panimalay sa 13 anyos ihatod sa manyakis nga drayber nga si alyas Edward og didto niini gidala ang bata sa ngingit nga bahin sa pinyahan sa Polomolok og didto usab niini gihimo ang paglugos sa 13 anyos.
Dihang nakauli na ang bata sa panimalay niini didto na matud pa misumbong ang bata sa iyahang mga ginikanan. Sa dihang gipailawom sa medical examination ang 13 anyos nga batang babaye milutaw sa resulta nga positibong nalugosan ang bata.
Sa datus karon sa Womenās and Children Protection Desk sa Polomolok PNP tulo ka mga kaso sa pagpanglugos ang natala karong bulan lamang sa Oktubre kung asa duha niini ang natala nga mga menor de edad samtang usa ang gilugos nga hamtong na babaye ang mireklamo sa kapulisan na. (Emir Bariquit)
