Davao City-Padayon pang ginapangita sa kapulisan ang usa ka pasahero nga misibat sa dihang gipahigayon ang checkpoint kaganinang alas 9 sa buntag sa Lasang ning siyudad sa Dabaw.
Kini ang sigun ni Police Station Commander Chief Inspector Estrello Ramiso atol sa interview sa DXDC RMN Davao kaniya din matud ni Ramiso nga gituuhang kadto maoy responsable sa pagdala sa mga armas sulod sa bag.
Subay kini sa nasimhutan sa K9 dog atol sa checkpoint sa Licanan Brgy. Lasang Bunawan District ning dakbayan diin na-intercept sa mga personahe sa Task Force Davao ang pito ka .45 caliber pistol nga dunay 9 magazines, ug usa ka uzi machine gun nga dunay 3 ka magazine sulod sa bag nga gibutang sa wala pa mailhing tag iya sa baggage compartment sa bus nga dunay plate number W. O. Y 113 gikan sa Tagum City padulong dinhi sa siyudad.
Dugang ni Ramiso, samtang human sa gilusad nga imbestigasyon sa Davao City Police Office kun DCPO, gibuhian na sa Bunawan PNP nga 25 ka mga pasahero apan naa pay usa ka pasahero ang padayon pang gina-imbestigahan nga anaa pa sa ilang kustodiya lakip na ang konduktor nga si Marcos Anen’on, 38 yrs old, residente sa Lupon Davao Oriental ug ang driver sa bus nga giilang si Miguilito Abuev, 47 yrs. Old, residente sa Bugak 13 Maa, Davao City.
Nasayran nga 27 tanan pasahero sakay sa maong bus ug padayon ang imbestigasyon sa kapulisan aron matumbok kung kinsa ang responsable sa pagdala sa maong mga armas.
Kasamang Don Pulayao
