Gipangayo ni Bishop Felixberto Calang sa simbahang Iglesia Filipina Independiente kon IFI sa kapolisan ning syudad sa Cagayan de Oro nga ilang imbistigahan ang gipasangil sa wala mailang suspect sa ilang koral sa simbahan sa IFI ug Barangay 12 nga matud pa ang mga Pari sa IFI terorista ug supporters sa NPA.
Matud ni Bishop Calang nga iyang gipangayo sa mga otoridad nga ilhon ang mga suspect, taralon sa hukmanan ug silotan sa sala sibo sa iyang nahimong pagpakaulaw sa Aglipay church.
Gidugang ni Bishop Calang nga iya usab nga gipangayo ni Bulua Barangay Chairman Al Legaspi nga ilang panason ang vandal sa ilang koral sa IFI church sa Bulua aron ilang ipakita sa mga barangay officials sa maong barangay nga wala sila mahimoot sa maong mga pasangil nga nagdaot sa ngalan ug dunggog sa Aglipay church.
