Ginpahayag ni Police Lt. Ariel Pico, Spokesperson sang Bacolod City Police Office ( BCPO) sa interview sang DYHB nga nangin malinong kag matawhay ang syudad sang Bacolod sa nakalipas nga pagsaulog sang siyam ka adlaw nga Simbang gabi kag Paskwa.
Nagapahanumdum man si Pico sa pumuluyo sa nagahilapit nga Bag-ong tuig nga may yara sang 76 ka gin-designar nga lugar sa syudad (designated community fireworks zone) sa kada barangay nga amo lang ang pwede makapalupok sa pagsug-alaw sang Bag-ong tuig.
Dugang ni Pico sa mga pumuluyo nga likawan ang pagpalupok sa atubang sang tagsa ka puluy-an para mapaiway sa aksidente. Ang magasupak sa sini nga pagsulundan ang pagadakpon sang mga kapulisan.
Samtang, para sa mga gun-owners kag kapulisan nga likawan ang pagpalupok sang armas-luthang (indiscriminate firing) para malikawan ang posible nga maigo sang “stray bullet”.
[image: image.png]
