Mas na-enggangyong mohimo sa ilang trabaho ang mga barangay Lupon sa nagkadaiyang barangay sa Misamis Oriental human sila gihatagan sa pasidungog gikan sa kagamhanang lokal.
Mismong si Engr. Marissa Naybe, ang Provincial Director sa Department of Interior and Local Government uban ang mga board member sa Sangguniang Panlalawigan ang mitunol sa pasidungog ngadto sa mga Lupong Tagapamayapa.
Sa category A sa 1st class hangtud na sa 3rd class municipalities, nahimong 1st placer ang Barangay Imelda sa Villanueva, 2nd placer ang Barangay Poblacion sa Lugait ug 3rd placer ang Barangay Binitinan sa Balingasag.
Sa category B alang sa 4th class hangtud sa 6th class municipalities, nahimong 1st placer ang Barangay San Isidro sa Magsaysay, 2nd placer ang Barangay Aromahon sa Laguindingan ug 3rd placer ang Barangay Taparak sa Alubijid.
Samtang, alang sa category C o component city, napasidunggan ang siyudad sa Gingoog isip 1st placer.
Pinaagi sa maong mga pasidungog, mas bation sa kagana ang mga barangay lupon nga motrabaho.
