Davao City- Gisugdan na ang pagpanaud og Christmas decorations sa City Hall ug Rizal Park subay unya sa pag-abli sa kasaulogan sa ‘Pasko Fiesta.’
Karong tuiga ‘Candy Land’ ang tema sa decors sa City Hall diin mapuno kini sa mga lollipops ug candy-like decorations ang maong establisimiento.
Highlight usab sa ‘Pasko Fiesta’ decoration ang 40 feet Christmas tree nga i-muntar diha sa sentro sa Rizal Park.
Sumala ni Davao City Mayor Inday Sara Duterte-Carpio, doble ang budget karon sa syudad diin P17M ang gitagana gikan sa P9M sa milabayng tuig alang sa mga nakalinya nga aktibidad karon lakip na diha ang premyo sa mga pa-contest sa pasko uban ang pagpahigayon sa 22 events.
Sa pikas bahin gipaniguro usab sa Davao City Police Office nga mag-estgablisar kini og ‘maximum deployment’ sa kapulisan alang sa nagkadaiyang aktibidad sa ‘Pasko Fiesta’ venue.
Ang formal opening sa ‘Pasko Fiesta’ gikatakdang mahitabo karong December 1, 2017.
RadyoMan Abi Bibera
