Davao City – Nangandam na ang City Social Services & Development Office (CSSDO) alang sa pag-arangkada sa ‘Pasko Fiesta alang sa mga Lumad’ subay sa pagsaulog sa Pasko Fiesta 2019.
Sumala ni Marilyn Agonia, Assistant Department Head sa CSSDO, gi-andam na nila ang pag-deliver sa mga food packs ngadto sa 11 ka managlahing shelters dinhi sa syudad sa Davao diin dili na nila kinahanglan pang mo-anhe sa syudad aron malikay sa risgo sa bangga ingon man pagbaton og sakit.
Kini mao ang mga gymnasium sa mga barangay sa Tambobong sa Baguio District, Salumay, Upper Kibalang, Marilog Proper, ug Suawan sa Marilog District samtang sa Malabog, Pañalum, Colosas, Mapula ug Tapak sa Paguibato District.
Dugang ni Agonia nga sugdan ang pagpang apod-apod sa 2,000 ka mga food packs matag adlaw sugod December 2 hangtod sa katapusan ning bulan.
Gawas sa mga pagkaon, magpahigayon usab og programa diin ilang ipasigarbo ang ilang mga talento ingon man padula alang sa mga kabataan.
RadyoMaN Jason Amisola
