General Santos City—Muarangkada na ang selebrasyon sa paskohan sa Gensan , kini ang gikumperma ni Mario Bermudes, ang assistant School division Superintendent sa Dep-Ed Gensan/Executive Committee atol sa gipahigayong press conference karong hapon lang.
Sumala sa nahisgutan nga mukabat sa 4.5 million pesos ang pundong gigahin alang sa maong aktibidad. Dugang pa ni Bermudes nga daghan ang mga aktibidad nga ipahigayon alang sa katawhan sa Gensan. Usa sa mga highlight niini mao ang fireworks display.
Ipahigayon ang soft opening sa paskohan sa Gensan karong umaabot nga Disyembre 9, samtang ipahigayon usab ang Ligth-A-Tree ug Grand Opening karong Disyembre 11; Parada Ng Parol karong Disyembre 12, samtang karong Disyembre 13; ipahigayon ang Drum and Lyre; Battle of the Bands ug Pamaskong Handog uban Si Mayor.
Disyembre 15, ipahigayon ang Campus Idol ug sa petsa 16, ipahigayon ang Pyrotechnic Competition ug Pasko ng mga Batang Heneral.
Gibutyag usab ni Police Supt. Lauro Espida, Mukabat ngadto sa 185 ka mga PNP personnel ang ideploy ngadto sa oval plaza aron mubantay sa seguridad dungan sa selebrasyon.
