Sa Disyembre tres ning tuiga sa alas 4:30 sa hapon masaksihan sa katawhan ang pagparada sa mga motorela nga gibutangan og dekorasyon sa pasko.
Kini mao ang tinuig nga ‘dress up your motorela contest’ nga gitawag og ‘Paskorela’.
Matud sa City Information Office nga ang ruta magsugod sa Rodelsa Circle lahos sa dalan Velez, Abejuela, Corrales, Neri, Capistrano ug mahuman sa city hall.
Nasyran nga ang grand winner sa ‘Paskorela’ makadawat og 40-mil pesos, 30-mil pesos ang second prize ug 20-mil pesos ang third prize.
Dungan usab sa maong parada ang mga banda gikan sa pribado ug pampublikong tunghaan sa elementarya nga mosalmot sa ‘Pasko de Oro Parade’.
Sa pagka alas sais sa gabii sa samang adlaw, pangunahan ni Mayor Oscar Moreno ang ceremonial lighting sa ‘Symphony of Lights’ sa hawanan sa city hall.
Ang ‘Paskorela’ ug ‘Pasko de Oro Parade’ tipik sa mga kalihukan sa ‘Pasko de Oro 2018’ nga gipasiugdahan sa City Tourism and Cultural Affairs.
Ang deadline sa registration gitakda karong Nobyembre 26, 2018.
