Gipusil patay sa wala pa mailang suspect ang usa ka pastor sa Born Again Christian sa Barangay Tumpagon ning syudad sa Cagayan de Oro kagabie.
Kini ang gikumpirmar ni Police Sr. Insp. Jerson Estanilla, Officer in-charge sa Lumbia Police Station sa interview sa dxCC-RMN.
Matud ni Sr. Insp. Estanilla nga ang biktima nailang si Pastor Alberto Alferez nga taga Agora, Barangay Lapasan.
Nasayran nga gabisita ang maong pastor sa Barangay Tumpagon aron magbaligya sa mga seafood.
Sa karon gisuta pa sa mga pulis ang motibo sa pagpatay kang Pastor Alferez ug unsay gihimo niini kagabie sa maong lugar.
Facebook Comments
