Naka-recover sa sakit nga HIV-1 ang usa ka pasyente sa London. Kini ang virus nga mao’y hinungdan sa sakit nga AIDS.
Kini ang ikaduhang tao nga naayo sa HIV human nagpatambal. Sa sulod sa 19 ka bulan, wala na’y nakita nga virus sa maong pasyente.
Mipailawom ang pasyente sa bone marrow transplant para matambalan ang iyahang blood cancer, diin nakadawat kini ug stem cell gikan sa usa ka donor nga adunay rare genetic mutation nga maoy mipugong sa HIV.
Sa ingon ani pud kuno nga proseso naayo ang first patient napulo katuig na ang milabay.
Kasagarang gigamit nga tambal sa mga taong adunay HIV ang antiretroviral therapy (ARV) apan dili pa gihapon mawala ang virus niini.
Gibanabana nga 37 milyon ka tao ang adunay HIV sa tibuok kalibutan ug usa ka milyon kada tuig ang nangamatay tungod sa kumplikasyon sa HIV.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
