Gusto ba nimong mahibaloan ang imong kapalaran karong bulana? Kini giya lamang mga idol, timan-e? nga gikinahanglan ug kakugi, pagpaningkamot, pag ampo plus swerte equals kalampusan sa kinabuhi. Ania na ang mogiya kanimo idol.
I FM Horoscope (January 17, 2019 – Thursday)
ARIES – Mabantayan nimo karon kung unsa ka nindot ang pagtinabanga sa imong palibot, ug kini nga kinaiya ang gikinahanglan sa imong kalibotan. Kung makabantay ka nga adunay pipila ka mga tawo nga kanunay nga nakaandam sa pagsuporta kanimo, mas madasig ka hinoon nga mutabang sa mga nanginahanglan.
TAURUS – Pagabuhaton nimo karon ang paghawid sa mga pagbati kaniadto. Kini tungod kay nagtoo kang mas sakto kining buhaton kumpara sa paghatag panugot sa laing tawo nga mokontrol sa imong kinabuhi karon. Mas giaghat ka akron sa pagbuhi sa mga pagmahay nga maoy hinungdan sa imong mga emosyonal nga kargamento.
GEMINI – Bation nimo karon ang tumang ka sensitibo apan dili nimo makita ang rason kung ngano. Mas dali alang kanimo karon ang pagtutok sa parte sa imong kalibotan kung diin makakuha ka ug resulta ug makalihok ka sa dagan nga komportable ka. Hunahunaa nga kung aduna man gani mga negatibo nga mga pagbati, kana sila dili magdugay ug mulabay ra.
CANCER – Ang sitwasyon nga nagpalibot sa imong personal nga relasyon ang mamahimong sayon alang kanimo karong panahona. Kini posible nga gumikan sa imong pagkasayod kung unsa ang imong gusto nga lakang ug nganong imo kining buhaton.makuha nimo karon ang kontrol sa sitwasyon nga naglambigit sa usa ka kauban nga wala kanay laing pang mahimo kundili ang pagdawat niini. Ayaw usab kalimot nga ipasulabi ang pasensya sa imong kaugalingon.
LEO – Ang imong pagkaikag sa mga lahi ug pinalain nga mga butang mamahimong rason karon aron matulod palayo ang mga tawo nga gustong mosuporta kanimo. Hinoon, ang imong kagustuhan nga mas molabaw pa sa tapok mamahimong usa ka rason aron mawala ang imong kabalaka sa hunahuna sa uban. Kung aduna kay gustong makuha nga mag-inusara, buhata kini.
VIRGO – Aduna kay hataas nga listahan karon sa mga butang nga imong gustong buhaton, apan dili ka makalikay sa tawag sa trabaho kung kini modemanda kanimo. Bisan pa man nga makita nimo ang mga laay nga trabaho isip mga makaulit nga mga butang, salig lang nga ang pagtuman sa imong mga obligasyon sa tinood nga kalibotan maoy mohatag kanimo ug kasiguraduhan sa usa ka walay pagmahay nga atensyon.
LIBRA – Masorpresa nimo ang imong kaugalingon karon sa abilidad nga pagbaton ug igong kusog aron pugngan ang imong mga kaligutgot.Sakto ka sa pagdawat nga walay pulos ang sobra nga pagpakita sa pagbati sa mga kalamboan sa imong palibot. Ang pag-atubang niini, pagsukol sa unsa man nga hagit, ug pagtutok sa imong kusog aron masulbad kini ma ang angay nimong totukan. Ayaw kini pasagdi kay posible nga gatan-aw ang mga tawo sa imong palibot kung unsaon nimo kini pagsulbad.
SCORPIO – Ang makalibog ug makadistrobo nga kusog nga imong bation karon mamahimong mohinay na. Makatabang usab kini sa paghatag kanimo ug igong atensyon ngadto kang kinsa man ug unsa man. Apan, importante usab ang pag-gahin ug panahn sa pagrelax. Kung taud-taud na ang panahon nga wala ka kapahulay, himoa ng imong usa ka importante nga butang ang pagpangga sa imong kaugalingon.
SAGITTARIUS – Ikonsidera karon ang kalab-as sa kusog sa imong panimalay tungod kay kini adunay daghan nga pwede nimong kapilian. Hinoon dili na nimo kinahanglan pa ang mahal ug gabsto nga pamaagi. Igo na ang simple ug makabulohan nga mga butang. Mas nindot usab kung imong iplastar ang imong relasyon tali sa pamilya tungod kay makahatag kini ug maayo nga pundasyon sa imong emosyonal nga kaayo.
CAPRICORN – Ang paghinumdum sa kagahapon posibleng mamahimong babag imbis nga makatabang kanimo. Ang imong paglantaw sa mga nanglabay ng kagahapon ug hitabo hilabi nga ang mga kapoy nga mga sitwasyon makahatag kabug-at sa imong mental nga kahimtang. Hinoon, sulayi sa pagtutok sa pinalahi nga paagi sa mga butang nga nagahasol kanimo, ayaw palabi paghunahuna sa mga butang nilabay na ug wala kanay mahimo pa.
AQUARIUS – Ang pagpakita sa uban sa mga butang nga kaya nimong buhaton makahatag kanimo ug dugang kompyansa. Dili ka man gamhanan apan makahatag ka kanunay ug maayo nga tambag ug pagtabang sa imong opisina. Mas maayo kung ipahibalo nimo ngadto sa uban ang pipila ka mga kahibalo nga gihimo nimong sekreto. Kung kini ang paagi aron magmalampuson ka sa imong mga katoyoan, buhati kini.
PISCES – Aduna kay mga ideya ug opinyon sa pipila ka mga butang nga mamahimong angayan alang kanimo. apan, ang pagpasabot niini mahimong makatagbo ug pagsupak sa uban kung ang kumunikasyon mamahimong hanap ug kanunay nga dili masabtan. Masayran usab nimo nga usahay ang imong isulti lahi sa gusto nimong ipasabot. Ang sulosyon niini mao ang pagsulay sa pagrelax ug dili pasobrahan ang pagpaningkamot nga ikaw masabtan.
Source: mynimo.com
