Gusto ba nimong mahibaloan ang imong kapalaran karong
bulana? Kini giya lamang mga idol, timan-e? nga
gikinahanglan ug kakugi, pagpaningkamot, pag ampo plus
swerte equals kalampusan sa kinabuhi. Ania na ang mogiya
kanimo idol.
iFM Horoscope (October 23, 2019 – WEDNESDAY)
ARIES – Makahatag ug interes nga dasigon kita nga
mopadayag sa kamatuoran nga atoang gihuna-huna kalabot
na sa ubang tawo. Usahay masuko kini sila kung magsulti
kita sa kamatuoran busa usahay mohangyo kini sila nga
wagtangon o di ba kaha putlon na lang ang ubang bahin sa
imong gipadayag nga mensahe. Masakitan man gud sila sa
maong kamatuoran apan para kini sa ilang kaugalingong
kaayuhan ug sa dili madugay madawat ra kini nila.
TAURUS – Depende sa imong panglantaw kung unsa ka dako
ang usa ka isyu apan pwede ka makapili kung unsaon nimo
kini ug tan-aw. Kung para kanimo kini nga isyu dili
makatabang ug mao pud ang mamahimong sangputanan
niini. Mas maayo nga makita nimo kini sa pamaagi nga
daghan kag mapilian nga opsyon kung unsaon kini
pagbuntog. Abrehe lang ang imong huna-huna para makita
nimo ang kasulbaran niini.
GEMINI – Kung nakasinati ka karon nga murag nakita o
naagian na nimo kini nga panghitabo kaniadto, makatabang
kini para dili ka bation ug kapakyasan. Mabantayan na nimo
kini nga panghitabo kaniadto nga nahatagan ra nimo ug
kasulbaran. Bisan pa man ug may-ong lang kini sa nahitabo
kaniadto, napangitaan nimo kini ug solusyon ug nilampos
ka, busa kalma lang.
CANCER – Kung deretso lang atoang lakaw diris kalibutan,
sigurado nga niabot ka na sa imong gipadulngan.
Nagkinahanglan ka karon ug pasensya kung sobra ka layo
ang imong byahion. Adunay mga posibilidad nga pwede ka
moliko sa ubang dalan apan ang imong mga naagian ug
ponterya nga pagaadtuan dili nimo dali nga maabtan.
LEO – Ang pagkat-on sa usa ka butang kinahanglan adunay
han-ay nga pamaagi mas taas nga panahon ang
gikinahanglan. Mas kusgan ka kung aduna kay pamaagi nga
nga mas dali ra. Bisan pa man ug dili ta magmalampuson
ang nakaayo niini mao nga nakakat-on kita. Ang importante
nga gidawat nimo ang imong kasaypanan.
VIRGO – Didto kita modepende sa taas nga proseso nga
masabtan nato ug makalikay sa mga kasaypanan. Mao kini
ang dangpanan para masulbad ang atoang giatubang nga
problema. Makakat-on gayud kita sa mga panahon nga kita
nasayop bisan pa man ang kinaadman nga atoang gipangita
anaa na sa atoang atubangan ug dili pa gayud nato kini
deretsong makaplagan.
LIBRA – Usahay gapasagdan nato ang atoang imahinasyon
nga maglatagaw apan usahay magamit usab kining
imahinasyon nato ug maghatag ug maayong resulta. Ayaw ug
tagae ug panahon nga pugngan ka sa usa ka tawo nga dili
magamit ang imong imahinasyon kay mao kini
makapahunong sa imong gustong buhaton. Ang imong
nahuna-hunaan karon mas dali buhaton ug dali kab-
utonkompara sa uban.
SCORPIO – Nagtrabaho kita sulod sa atoang kaugalingong
kalendaryo ug ang kawanangan usab maoy maghimo niini
nga mohaom diri kanato. Apan wala magpasabot nga wala
kini mihaom sa atoang gustong mahitabo. Ayaw ug kabalaka
sa pagkab-ot sa imong gusto labi na kung kini lisod kab-
uton, kay nidapig ang kalangitan diha kanimo karon. Sa
wala nimo damha mas dali ang imong pagkab-ot niini
kompara sa imong pagpangagpas.
SAGITTARIUS – Usahay maglibog kita sa atoang ginahimo ug
ginahuna-huna ug makapangutana kung kanus-a kitapadayon
nga dili masabtan sa uban. Bisan pa man sa atoang
kasaypanan ug kalibog, ang ubang tawo andam gihapon
kitang dawaton ug sabton. Mamahimo kang tagaan ug usa
ka oportunidad nga desesyunan nimo dayon sa panahon nga
maglisod ka ug pili sa imong gusto. Salig lang kay tabangan
ka nga mamahimong klaro ang imong pagahimoong aksyon.
CAPRICORN – Sa mga estroya sa ‘fairy tale’ nga nagingon
nga ‘Live Happily Ever After’ wala nag hatag ug suhestyon
nga ang mga karakter sa estorya walay kamatayon. Ang mga
estorya sa fairy tale dili maayo tungod kay wala kini hagit sa
kinabuhi. Ayaw pagtoo sa ginagmayng kalainan sa mga
opinyon o mga estorya sa kalisod ug kapit-os nga mao daw
ang susi o hinungdan sa nagubang relasyon. Ginamayng
panakot sa kinabuhi siguro ang mas makatabang niini.
AQUARIUS – Tuyok-tuyok lang ang kinabuhi busa dili kita
matingala nga balik-balik lang pud ang mga panghitabo
kanato. Bation kitag kapakyas kung ang mga panghitabo
kaniadto anaa ra gihapon nakatulog bisan pa man nga
nahimoan na kinig solusyon kaniadto. Dawata kini siya nga
panghitabo kay aduna man gihapoy pag-uswag nga nahitabo
kanimobisan pa man sa mga babag sa kinabuhi.
PISCES – Kasagara dili nato gakakita ang nagpalibot kanato,
busa makapangutana kita kung naginusara lang ba ta. Bisan
pa man ug lisod kab-uton nga oportunidad posible nga
mabati nato kini sila. Ang kaayo niini, dili na kinahanglan
nga makita pa nimo kini para makasiguro ka nga anaa.
Kinahanglan ang pagpaningkamot para hinay-hinay makita
nimo kini sila. Ug kung makita na nimo kini nga mga
oportunidad ang uban nga nagtago lang mamahimo usab
nga motum-aw.
Source: proastro.com
