Gusto ba nimong mahibaloan ang imong kapalaran karong buwana? Kini giya lamang mga idol, timan-e? nga gikinahanglan ug kakugi, pagpaningkamot, pag ampo plus swerte equals kalampusan sa kinabuhi. Ania na ang mogiya kanimo idol.
iFM Horoscope (August 23, 2018 – Thursday)
ARIES – Masayon lang kanato ang paglikay sa mga butang nga dili gusto buhaton apan lisud ang pagbag-o sa atong kinaiya nagdto niini. Usahay nagtoo kita nga adunay mga butang nga dili nato makaya apan mahimong buhaton gihapon nato tungod kay gikinahanglan kini. Malingaw hinoon ka sa ingon niining eksperensya. Hinomdomi nga kung aduna kay gustong buhaton, ang gamay nga pag-usab sa strateheya posibleng makahatag hinoon kanimo ug kalingawan.
TAURUS – Ang pagsagop sa wala sa plano ug wala sa hunahuna nga kinaiya sa pipila ka mga butang posibleng mahimong epektibo. Hinoon mabantayan nimo nga moabot ang panahon nga atubangon na nimo ang mga butang nga dugay na nimong gilikayan. Ang tinood, paningkamuti nga modaug ka kontra sa mga isyu nga imong ginalikayan ug ipakita sa imong boss nga nagmadaugon ka.
GEMINI – Kitang tanan adunay panahon nga mawad-an ug pagsalig nga mabasa ang hunahuna sa uban. Tinood kini tungod kay adunay mga panahon nga nanginahanglan kita ug suporta gikan sa uban apan makatoo kita nga nakita na kini nila. Tungod niini atong ginapatoo ang atong kaugalingon nga kung tinood nga adunay pagtagad ang laing tawo kanato dili na kinahanglan pang hangyoon nato sila. Pilia pag-ayo ang imong himoon nga masaligang higala.
CANCER – Dali ra kita mahimong laayan sa pagpangita sa solusyon sa mga butang. Kung makita na gani nato ang sulbad sa usa ka sitwasyon, gilayon mawala na ang kahinam nato niini. Sa kadugayan maanad ka ra sa ingon niini nga sistema apan ang importante lamang kanimo ang paglikay nga daling mawala ang imong interes. Adunay naghulat kanimo nga mahayag sa kaugmaon. Ayaw undangi ang pagpangita niini.
LEO – Gusto nimo ang daghang mapilian nga pamaagi, apan bisan pa man posible nga usa lamang gayud ang imong padulngan karon. Dili ka ganahan o magmadasigon nga subayon kini. Tungod niini pangutan-a ang imong kaugalingon kung gusto ba nimo ang minadali nga solusyon o ang taas nga panglantaw nga pamaagi. Sulayi ang temporaryo nga solusyon ug pasagdi ang proseso nga modagan kauban ang panahon ug basin sa unahan adunay naghulat nga mas nindot nga paagi.
VIRGO – Bation nato karong ang natural nga pagkabalaka sa mga panahon nga iahatag nato ang katungdanan ngadto sa uban. Bisan pa man nga importante nga ipasa nato ngadto sa potensyal nga tawo ang gahum ug katungdanan, gikinahanglan gihapon nato nga siguraduhon nga ang tanan anaa sa luwas nga mga kamot. Nindot bang pagdawat nimo pagbalik sa katungod kung makita nimo nga adunay nakatoon sa ingon niini nga proseso.
LIBRA – Aduna kay tsansa nga pugngan ang usa ka ngild-ad nga sitwasyon aron dili kini mawala sa kontrol. Dawata usab karon nga nasayop ka sa pagdesisyon o nasipyat ka sa laing pamaagi karong panahona. Hinoon kaya nimo nga isakto ang sayop sa dili pa kini mahimong komplikado. Ang pagkasiaw makatabang kanimo karon busa gamita kini.
SCORPIO – Usahay gikinahanglan nato nga kuhaon ang ubang tawo sa usa ka sitwasyon aron makita ug masabtan nato kung nganong gadali kita nga buhaton ang usa ka butang. Adunay mga higayon nga ang nag-obserba mas makabalo pa kaysa kanato may kalabotan sa usa ka sitwasyon busa sundon nato niining panahona ang mas hinay ug inantigo nga paagi. Ang paghinayhinay usahay mas epiktibo ug kinahanglan buhaton gumikan kay adunay mga butang nga dili angayang dali dalion.
SAGITTARIUS – Maayo gyud nga kanunay bation nato ang kadasig ug kaikag, apan siguradoha lang usab nga dili kini masobrahan. Posible nga malabian usab kita niining duha ka butang nga malimot na hinoon kita sa uban ug sa ilang mga panginahanglan. Paningkamoti lang nga mga balanse nimo kini ug ang imong mga pagbati. Pagbaton ug kontrol. Balik kanunay sa yuta ug ayaw pagpalabi sa imong mga gibati.
CAPRICORN – Aduna kay taas nga listahan karon sa mga butang nga imong gidamngo ug gusto makuha, ayaw alang alanga ang imong kaugalingon. Posible nga dool na kaayo ka sa punto nga mabuhat nimo ang usa ka dakung kalamposan ug kung magduha duha ka karon, mamahimo na hinoon kining rason aron mobalik ka sa imong agi. Ang liso nga imong gipangtanom magbunga ra. Hatagi kini ug panahon aron mahitabo.
AQUARIUS – Usa ka sitwasyon nga imong giatiman karon ang para kanimo dili bag-o. Dugay na kini ug sayod kana niini apan daghan lang gayud ang panahon nga wala kini nimo nahatagan ug igong atensyon. Karon nga mibutho na kini, imo na kining atimanon. Sakto kaayo ang timing sa pag-abot niining maong butang. Amping lang nga wala kay masakitan nga laing tao sa pagdiskobre niini.
PISCES – May nahinumdoman ka bang tawo nga gibutang sa usa ka lebel sa iyang kinabuhi bisan pa nga nagtoo ka nga dili kini angayan? Sa pagkatinood, medyo sakit kini gumikan kay anaa man sa maong tawo ang mga positibong kalidad nga imong dugay ng gipangandoy. Hinumdumi nga kung aduna kay mga butang nga wala nakab-ot kini gumikan lamang kay taas ra kaayo ang imong paglantaw. Dawata ang kapakyasan sa kinabuhi o paubsi ang imong mga pagdahum.
Source: proastro.com
