i FM Horoscope
Gusto ba nimong mahibaluan ang imong Kapalaran karong bulana? .Kini giya lamang mga idol, timan-e! nga gikinahanglan ug kakugi, pagpaningkamot, pag-ampo plus swerte equals imong kalampusan. Ug ania na ang mo giya kanimo idol…
ARIES – Ang imong kahilig sa pagpakisusi maoy maghatag kanimo ug kadasig. Kini ang imong pinakakusog nga kabtangan niining panahona ug maoy mutolod kanimo lagpas sa imong lawom nga panimoot. Pwede kang makuratan sa biyahe sa sulod sa imong kinabuhi hilabi na gayud sa mga nakatagong talento nga wala pa nimo magamit. Buhata ang maisog ug dakung lakang gamit ang imong kahimanan aron makab-ot nimo ang imong mga pangandoy.
TAURUS – Makaulit ang mga tawo sa imong palibot karon, hilabina gayud kung nipis ug mabaw lamang ang mga unod sa storya. Dili kini makahatag kanimo ug lawom nga mga pagtulun-an. Kini ang imong gikinahanglan. Apan possible usab nga ang uban tawo nanginahanglan lamang sa imong mga pag-uyon ug kining tanan wala na nanginahanglan sa lawom nga panag storyahay aron makakuha ka pagsabot gikan kanila. Paminaw sa mga senyales sa imong palibot.
GEMINI – Ang imong kaepiktibo sa natad sa trabaho panalagsa lamang. Daghan ka ug gustong pagabuhaton apan nagkulang ka sa paningkamot. Apan bisan pa man sa kabug-at sa imong responsibilidad, kung tininood ang imong tumong nga ginakab-ot ug nakasubay kini sa panahon nga imong ginaapas, kining tanan mamahimong posible. Putla una ang mga dili kaayo importante nga mga trabaho ug pagbutang ug listahan sa imong mga prioridad.
CANCER – Mapuno ang imong hunahuna karon sa planong magbakasyon sa usa ka nindot ug espesyal nga lugar sa imong kasing-kasing. Ang imong kagustuhan nga maghimo ug kalihokan nga makaabri sa imong kasinatian maoy mohatag kanimo sa daghang posibilidad. Kuhaa ang imong kaugalingon palayo sa imong palibot karon ug paghumol sa komportable ug luho nga kahimtang ug dinhi makita nimo ang lahi nga panglantaw sa imong kinabuhi.
LEO – Motoo ka karon nga kinahanglan nimo ang lig-on nga eskedyul aron kompletuhon ang mga gikinahanglan nga humanon. Apan possible usab nga makurat ka kung unsa ang imong mahuman pinaagi sa paghatag nimo ug gamay nga exstraktura sa imong adlaw. Hinumdumi nga dunay kalainan sa “epektibo” ug “episyente” nga pagbuhat sa trabaho. Hunahunaa nga ang kalamposan susama lamang sa imong pagmata kada adlaw ug pagbuhat sa mga butang nga imong gimahal ug gusto.
VIRGO – Bisan pa man kung maigmat ka nga buhaton ang imong mga responsibilidad, posible gihapon nga magkapuliki ka kung kining tanan ang mahimong komplikado pinaagi sa emosyonal nga aspeto sa imong relasyon. Apan pinaagi sa pagbahin nimo sa imong panahon, pwede na nimong mabalik ang tanan ngadto sa saktong direksyon ug mahatagan ug saktong balanse ang imong personal nga kalihokan tali sa prospesyonal nimo nga kinabuhi.
LIBRA – Ang imong mga pulong ang mahimong paagi aron mapahilayo ka sa personal nga paminsar ug moabot sa punto nga maglisud pag-sabot ang uban tawo kanimo. Apan ang paghinay hinay ug pasabot sa mga tawo sa imong palibot makatabang ug daku aron mapanindot nimo ang personal nga koneksyon sa usag-usa, sa trabaho ug ingon man sa opisina. Ang maayo nga komunikasyon kanunay magsugod sa imong kaugalingon.
SCORPIO – Ayaw pagduha-duha sa pagpahimangno sa mga tawo sa imong palibot kung unsa ka importante ang imong panahon. Hilabi na gayud kung ikaw eksperto sa maong mga butang. Wala ang panahon sa pag-panghanyo o panaglalis gumikan kay gusto lamang nimo mahatag ang sakto nga presyo alayon sa imong serbisyo. Gikinahanglan kini nimo aron masiguro ang pwesto ug sayo nga madiskubre ang mga negatibong butang nga mokontra sa imong trabaho.
SAGITTARIUS – Adunay drama nga gakahitabo sa nataran sa imong trabaho ug posible nga dili ka sigurado kung asa ka molugar niining tanan. Gumikan kay daghan ang naapil nining maong kasamok, mas mayo siguro nga dili nimo iapil ang imong kaugalingon niini. Apan ang imong pagpaningkamot nga dili maapil posibleng mobalik usab ngadto kanimo sa paagi nga mahimo kang walay baruganan nga pagkatawo. Hatagi kini ug igong impostansya kung unsaon pagsulbad sa sakto nga pamaagi.
CAPRICORN – Bation nimo karon ang kusog nga paminaw sa pagpagawas sa imong kahadlok ug kabalaka apan makita nimo nga gawas kini sa imong saktong paminsar. Bisan paman nga andam na ang imong huna-huna para niini, makahatag gihapon kini ug posibleng kalibog sa ubang tawo nga imong mahimamat. Apan kun ikaw usa ka klase sa tawo nga wala nagsalig sa opinyon sa uban, buhata ang gitohoan nimo nga sakto. Ayaw usab kalimti ang pagpalapad sa imong huna-huna aron makita nimo kung unsa diay ka dali niining tanan.
AQUARIUS – Adunay butang sa imong kinabuhi karon nga dool lantawon apan halayo diay sa imong nahimutangan. Dakung parte niini ang nagsugod sa imong kadasig nga makuha ang mga butang nga dili pa angay. Sa pagkakaron itutok una ang imong atensyon sa mga butang nga dagko ug purohan nga imong makuha. Gikinahanglan nimo ang gamay nga pasensya.
PISCES – Madasigon kaayo ka karon nga ipaabot ang imong mga huna-huna ngadto sa uban. Apan posible nga mabara ang imong mga giplano ug dili kini nimo ibase sa realidad. Mahimong lisud ang kumunikasyon sa imong palibut kung makita nimo nga mouswag ang uban. Himoa kini nga inspirasyon aron malampasan nimo ang mga sagabal sa imong paglambo. Kining tanang kalisud temporaryo lamang.
Source: horoscopes.proastro.com
