iDol! gusto ba nimong mahibaluan ang imong Kapalaran karong buwana? Kini giya lamang mga idol, timan-e! nga gikinahanglan ug kakugi, pagpaningkamot, pag-ampo plus swerte equals imong kalampusan. Ug ania na ang mo giya kanimo idol…
iFM CDO Horoscope (October 26, 2018 Friday)
ARIES – Ang pagpakusog sa imong kita mamahimong sayon kung aduna kay nindot nga mga plano. Hinoon, ang pagbaton ug mga ideya ug plano ang dili usab igo kung dili kini nimo suportahan sa lihok. Ang Full Moon makahatag impluwensya karon sa imong kita ug mas makapakusog pa sa imong planong buhaton aron mahitabo ang imong gusto.
TAURUS – Bisan pa man nga kanunay nimong kinahanglanon ang tumang pagpugong ug pagkontrol sa kaugalingon, mamahimo pa gihapon nimong usbon ang usa ka lisud nga sitwasyon pabor sa imong kaugalingon. Ang FUll Moon ang magahagit kanimo karon aron sa paghimo ug usa lang ka aksyon ug sa pagpabilin sa pagtutok niini. Padayona lang ang pagbuhos sa imong kakugi sa mga butang nga makadasig kanimo, ug kung adunay dili makahatag kanimo ug inspirasyon undangi kini.
GEMINI – Importante ang pag-atiman sa imong kaugalingon, apan mas importante gyud kini karon. Paminaw sa kung unsa ang ginasulti sa imong lawas nganha kanimo. Kini posible nga bahin sa imong mga dautang bisyo ug nga kinahanglan na kini nimong biyaan. Bisan pa man nga ang Full Moon naga-aghat sa pagkaalim, ang paglikay sa butang may kalambigitan sa imong panglawas ang dili kayang ipalayo niini kanimo.panimawa ang imong kaugalingon kung unsa na ang dapat buhaton.
CANCER – Klaroha ang imong hunahuna karon kung unsa ang imong gusto ug unsaon nimo pagtabang sa imong isig ka ingon. Ang Full Moon adunay impluwensya sa mga grupo ug sa katawhan sa palibot, busa makahatag kini ug kusog kanimo sa pag-apil sa imong mga higala sa imong plano ngadto sa kalampusan. Makatabang usab kini kanimo sa pagsulti sa sakto kung aduna kay makitang sayop, ayaw kahadlok kung malain sila kanimo.
LEO – Dili iresponsable ang pagbaton sa kinaiyang ” whatever will be, will be”. Giaghat ka sa Full Moon karon sa pagsunod sa mga likoliko sa imong kapalaran ug sa pagwagtang sa kabakala sa imong padulngan. kung ang imong plano kaniadto wala miresulta sa maayong butang, sulayi sa pag-usab sa direksyon niini, siguradong suportahan ka sa mga bitoon.
VIRGO – Taas ang lupad sa imong hunahuna karon aron pauswagon pa ang imong sitwasyong pinansyal. Ang Full Moon makaempluwensya sa imong plano sa umaabot ug kung unsa ang angay buhaton aron makuha nimo ang mas daku pa nga kauswagan sa komportable nga kahimtang. Apan kung imo lang itago ang imong mga ideya sa imong kaugalingon ug dili kini nimo itabang ngadto usab sa uban posible nga aduna kay dili makita. Kinahanglan nimo ang bisan unsa nga tabang karon.
LIBRA – Ang pagpangandam kung asa ka dad-on sa imong hunahuna maoy usa ka pinakaunang lakang aron sa pag-pauswag sa imong kinabuhi. Ang Full Moon nagahatag kanimo ug higayon sa pagsubay sa mga teritoryo sa imong kinabuhi nga wala pa nimo nasulayan alang sa imong kausaban. Swerte ka tungod kay nasabtan nimo ang importansya sa pagpabilin sa imong mga damgo nga buhi bisan pa man nga medyo layolayo pa kini ug distansya pa sa umaabot. Klaroha ang imong mga katuyoan ug pagsugod na sa imong lakang ngadto sa kalamposan niini.
SCORPIO – Ang imong dedikasyon ngadto sa uban o sa usa ka tawo mamahimo nimong inspirasyon. Dinhi nimo masabtan kung unsa ka kaimportante pinaagi sa imong pag-gahin sa imong kaugalingon ngadto sa uban. Bisan pa man nga ang Full Moon adunay empluwensya sa relasyon, imporatante gihapon ang parte sa usa ka tawo ngaha sa imong kinabuhi ug sa imong kalibotan. Ang paghigugma sa kaugalingon usa ka maayong butang busa padayona kini. Makatabang kini kung ipadayon usab nimo ang pagkamaayo sa uban.
SAGITTARIUS – Ang pag-usab sa imong rota mamahimong usa ka importante nga buatng karon hilabi na kay Full Moon. Kung unsa man ang kausaban nga imong giplano karon posible nga dugay na kini ug anagayn ng hatagan nimo ug aksyon imbis nga kanunay lang nimong hunahunaon. Ang imong pag-usab sa daang rota posible usab nga dili magustuhan sa usa ka tawo, apan kini gumikan lang kay ikaw lang ang makaangkon sa kanindot nga mahatag niini sa imong kinabuhi.
CAPRICORN – Niining pipila ka semana sagunson ang imong pagtrabaho ug wala nay kalingawan ug pahulay. Sulayi kini sa pag-usab, sa ingon niini nga paagi mamahimong bation nimo ang pagsalig sa imong kaugalingon ug ang pagkabalaka sa pipila ka mga butang mamahimong dili na kaayo problema alang kanimo. makatuklod kini kanimo sa pagbuhat sa mga mas nindot pa nga mga proyekto, mga proyekto nga mahatag higayon aron ipakita nimo ang imong pagkamamugnaon. Ibalik ang imong kumpyansa ug ipagawas ang pagkabata sa imong kaugalingon.
AQUARIUS – Ang pagkagahi sa imong hunahuna bahin sa mga butang sa imong kinabuhi ang posibleng mogawas karon. Kini tungod kay ang Full Moon adunay impluwensya sa imong balay ug pamilya ug nag-aghat kanimo sa paghimong usa ka ehemplo para sa uban aron masayod sila nga ikaw ang adunay kontrol sa mga butang sa imong palibot. Ang pagkakuha ug suporta kung imong gikinahanglan nakadepende sa nindot ug maayo nimong pagdala sa usa ka membro sa imong pamilya.
PISCES – Ang imong panglantaw sa kaugmaon mamahimong mukosog karon, ug kung unsa ang mga butang nga kaniadto gitohoan nimong imposible, aduna nay higayon ngfa mamahimong matood. Ang Full Moon mag-aghat kanimo sa pagpili kung unsa ang matood ug unsa usab ang damgo lang. Ang pag-usab sa imong hunahuna ug pagtutok sa mga butang nga posibleng mahitabo, butang nga praktikal, nanginahanglan kanimo sa paghatag sa imong igong paningkamot. Ayaw kabalaka, suportado ka sa imong mga bitoon karon.
Source: proastro.com
