BACOLOD CITY – Patay ang isa sa duha ka mga hold-up suspect matapos nga ini ang nagbato sa mga pulis sa ginpatigayon nga entrapment operation mg alas 2 kaina sang kaagahon sa Purok Andan Pepsi, Brgy. Bata, ciudad sang Bacolod.
Nakilala ang suspek nga napatay nga amo si Jing Mirajes, legal ang edad, pumuluyo ang Brgy. Banago, samtang ang nadakpan naman ang ginaalegar iya upod nga si Eugene Baliguas, legal ang edad, pumuluyo sang Brgy. 1, Bacolod City.
Suno sa hepe sang Police Station 3, PSI Victor Paulino nga nagpatigayon sang legitimate nga entrapment operation ang ila team batuk sa suspek nga si Mijares matapos nga ang isa sa iya mga biktima ang nag-coordinate sa pulis bangod nagapangayo ang suspek sang P15,000 kabaylo sang ginkawat nga personal belongings.
Ginpahayag nga ang babayi nga biktima ang ginhold-up ni Mijares sadtong April 28 kon diin nakuha sang suspek ang malahalon nga mga gamit sini lakip na ang iya cellphone.
Ang natabo amo nga ang suspek ang nag-communicate sa iya biktima kag ginapangayuan paagi naman sa tawag sa cellphone.
Lipod sa ihibalo sang suspek, nag-coordinate ang biktima sa mga katapo sang pulis rason nga ginpatigayon ang entrapment kaina sang kaagahon.
Apang suno kay PSI Paulino, nagbato si Mijares kag iya gintiro ang isa ka pulis gani napilitan ang utoridad nga ini siya ang tiruhon man.
Nahibaluan nga si Jing kag ang iya upod ang lunsay may mga kaso nga robbery./dyHB BACOLOD
