General Santos City–Nakit-an na ang patay nga lawas sa 3 anyos nga batang lalaki kansa una nang namissing human nga nahulog sa dike sa may Purok Saludin, Barangay Labangal, Gensan alas 6:30 ang takna sa buntag kagahapong adlawa.
Nakit-an ang patayng lawas sa 3 anyos nga si Alias Adrian nga taga Purok Saludin, barangay Labangal pipila ka oras human kining gianod sa kusog nga bul-og sa tubig sa sapa sa Purok Saludin.
Nakaplagan kini nga nag utaw-utaw sa kadagatan nga sakop sa Purok Pearly Shell, Barangay Bula.
Subay sa pahayag sa amahan sa biktima, nagkaon sila sa ilang asawa niadtong higayuna, ang ilang anak nga si Adrian ang nagdula-dula daplin sa dike, pila ka minutos nag nakalabay, nakadungog nalang ang amahan nga daw nisyagit ang iyang anak ug didto na siya nagduda nga nahulog kini sa dike hinungdan nga iyang gipangita.
Apan pakyas ang amahan nga kini makit-an mao nga nangayo na kini ug tabang sa mga Barangay tanod gani miresponde gilayon ang mga personahe sa City Disaster Rick Reduction and management Office apan tungod lubog ang sapa ug kusog ang bul-og sa tubig naglisod sila nga makit-an gilayon ang lawas sa biktima.
