Jolo, Sulu – Nisaka na sa 52 ang namatay sa paghagsa sa C-130 plane sa Sulu.
Sumala ni Department of Defense (DND) Secretary Delfin Lorenzana nadugangan pa og duha ang ihap sa mga namatay nga sundalo samtang giatiman sa ospital.
Sa kinatibuk-an adunay 49 ka sundalo ang namatay ug tulo usab ka sibilyan ang nadamay.
Nakatala usab og 51 ka indibidwal ang samaran kun asa 47 niini mga sundalo ug upat ang sibilyan.
Nasayran nga 96 ka mga sundalo ang sakay Philippine Air Force (PAF) C-130 nga eroplano samtang patugpa na unta sa tugpahanan sa Sulu.
Facebook Comments
