GUIHULNGAN, NEGROS ORIENTAL – Pito ang nagkalamatay, 20 ang ginpang-aresto lakip na ang 2 ka barangay officials sang Guihulngan City sa ginpatigayon nga simultaneous police operation kahapon sang aga batuk sa tanan nga sahi sang criminal activities.
Ini paagi sa synchronized implementation sang kapin 101 ka search kag arrest warrant.
Ini sila ginkilala nga amo sanday Reneboy Fat, Jaime Revilla, Demetrio Fat, tanan residente sang Brgy. Hilatan, Guihulngan City subong man sanday Dondon Isugan, residente sang Brgy. Buenavista, Jan Cabal sang Brgy. Trinidad, tanan sang ciudad sang Guihulngan kag si Constancio Languita, pumuluyo sang Sta. Catalina, Negros Oriental.
Suno kay Negros Oriental Police Provincial Office chief, PS/Supt. Raul Tacaca, ang mga nagkalamatay ang subject sang search warrant sa kaso nga illegal possession of firearms.
Pahayag ni Tacaca nga una nga nagpalupok ang mga suspek sang ila nakita nga nagapalapit na ang mga operatiba agud i-serbe ang warrant gani nagluntad ang shootout.
Samtang, napatay man sa amo nga simultaneous police operation nga ginpatigayon sang Provincial Intelligence Branch Cebu Provincial Police Office si Dexter Rabago, 43 anyos, residente sang Talisay City, Cebu.
Sa amo nga police operations natigayon nga ma-recover ang video karera machine, isa ka .45 nga pistola, isa ka 9 mm kag suspected shabu nga ginabulubanta naga balor sang kapin 817 mil pesos./Choy Gallarde photo
