General Santos City—Nakaplagan sa mga residenti sa Purok Kalipagan, Barangay Big Margus, Glan Sarangani Province ang patayng lawas sa wala pa mailhing suspek alas 5:30 ang takna sa hapon niadtong nakalabayng adlaw.
Subay sa inisyal nga imbistigasyon sa Glan Municipal Police Station nasuta nga nakadawat nalang sila ug report kalabutan sa nakaplagang patayng lawas sa lugar mao nga ila dayong girespondihan.
Gikaingong anaa na sa state of decomposition ang lawas sa biktima nga anaa sa bakanteng luna sa maong lugar.
Sa karon ginasuta pa sa kapulisan kung unsay hinungdan sa kamatayon sa biktima ug kung gituyo pa kini ug patay.
Ang patayng lawas sa nasampit anaa na karon sa lokal nga punerarya sa lungsod sa Glan.
Facebook Comments
