Davao City – Nakaplagang patay ang usa ka lalaki sulod sa iyang panimalay kagabii sa may Km. 8 Matina Pangi Davao City.
Biktima naila nga si Noel Estabillo, 40 anyos, bulag sa asawa ug usa ka mekaniko og relo.
Sa impormasyon gikan sa Talomo PNP, nasayran nga nakahiagom og samad dinunggaban ang biktima sa nagkalain laing parte sa iyang kalawasan.
Matod pa, nakadungog ang silingan sa biktima nga adunay commotion apan wala una nila kini panumbalinga.
Apan gumikan nagduda gyod ang usa ka silingan nga si alyas Togi iyang giadto ang balay sa biktima ug nasayran nga nagkadugo na kini sulod sa kwarto nga wala nay sinyales nga duna pay kinabuhi.
Kapulisan padayong nag lusad og imbestigasyon sa motibo sa maong krimen ug aduna na kini ginalantaw nga person of interest nga kaila kini sa biktima ug ginalantaw usab kung gisulod ba kini sa suspek o adunay pagtugot sa biktima.
RadyoMaN Paul Canono
