General Santos City—Wala pa mailhan hangtud sa kasamtangan ang patayng lawas sa usa ka lalaki nga una nang nakaplagan sa mga residenti sa lugot nga bahin nga nahimutang sa Barangay Tampak, Maasim, Sarangani Province.
Sumala ni Police Sr. Inspector Westley Matiliano, OIC Chief Of Police sa Maasim, municipal Police Station nasuta nga alas 2:00 sa hapon niadtong Martes dihang nakadawat sila ug report bahin sa nakaplagang patayng lawas sa lugar.
Gilayong girespondihan sa kapulisan ang lugar ug didto positibong nakit-an ang usa ka lalaki nga gibana-banaang anaa sa 40 hangtud 50 anyos. Nagbuy-od ang nahisgutan samtang anaa sa lugot daplin sa kalsada.
Gikumperma usab ni Matiliano nga adunay nakit-ang dakong samad sa ulo sa biktima kansa gituohang gibunalan ug bato o unsa mang matang sa gahing butang.
Posibling dili taga Maasim, ang biktima inay lumulupyo kini sa kasigbit na lugar.
Adunay impormasyon nga posibling taga Gensan ang nasangpit nga biktima ug kini pa karon ang ginasuta sa kapulisan.
Sa karon ginasuta pa sa otoridad kung gituyoug labay ang biktima sa lugar o dinhi na gyud kini gipatay .
