San Pablo, Zamboanga del Sur – WALA nay ulo nga napalgan ang nadugta nga patay nga lawas sa usa ka wala mailang lalaki kagahapon alas 2 sa hapon sa Purok 3 Pantalan, Barangay Buton, San Pablo, Zamboanga del Sur.
Ang patay nga lawas diin giingong nadugta og dili na maagwanta ang kabaho ang narekober nga wala nay ulo sa nahisgutang lugar.
Nasutang patay nga lawas kini sa tawong lalaki nga wala nay sapot.
Sa interview sa RMN Pagadian kang SINSP Reynante Benitez hepe sa San Pablo PNP, gituyo matud pa pagputol ang liog sa biktima og giitsa sa dagat. Gipangita usab sa kapulisan ang ulo sa biktima.
Nasuta usab ni Dr. Hermeraldo M. Catubig Jr. ang Municipal Health Officer nga dunay duha ka samad nilubaan sa lawas ang biktima.
Ang patay nga lawas ang pabiling walay identipikasiyon gumikan kay lisod kining ilhon tungod kay gawas sa wala na kini ulo nadugta na usab kini rason nga gilubong nalang kini sa San Pablo, Zamboanga del Sur Public Cemetery.
Nanawagan ang kapulisan sa San Pablo nga makigkutay kanila ang mga indibidwal nga nawad-an og kauban sa pamilya.
