Gipanag-iyahan ang maong patay’ng lawas ni Ricky Reyes, 52 anyos, ulitawo, empleyado sa usa ka bangko, ug residente sa naasoy nga lugar.
Sumala sa report sa kapulisan, nakadawat silag tawag gikan sa usa ka Geraldine Dawanyia, kabahin sa pagkapalgan sa patay’ng lawas sa maong lalaki. Dali kini nga girespondihan ug didto wala nay kinabuhi nga gahayang ang biktima.
Gikatahong adunay balatian nga diabetis ug heart disorder ang biktima nga maoy gidudahang hinungdan sa kamatayon niini. Wala usay nakita ang kapulisan nga samad o bun-og sa kalawasan nga posibleng hinungdan sa pagkamatay sa lalaki.
Sa karon, gidala sa Bukidnon Provincial Medical Center ang patay’ng lawas alang sa eksiminasyon samtang padayon pa ang imbestigasyon sa kapulisan kabahin niini.
