13 ka mga lungsod ug usa ka syudad sa Bukidnon giila isip fully compliant sa Gawad Kalasag Seal for Local DRRM Council and Offices

Giila isip mga fully Compliant City and Municipalities ang muabot sa 13 ka mga lungsod ug usa ka syudad nga gisakupan sa probinsya sa Bukidnon.

Kini atul sa gipahigayon nga kasaulogan sa ika-22 nga Gawad KALASAG Seal for Local DRRM Council and Offices.

Gitunol ngadto sa mga lungsod sa Cabanglasan, Kitaotao, Pangantucan, San Fernando, ug Maramag ang maong pasidungog lakip usab ang mga munisipyo Quezon, Kadingilan, Lantapan, Malitbog, Sumilao, Kalilangan, Libona, Manolo Fortich, ug ang syudad sa Malaybalay.

Samtang, giila isip mga Beyond Compliant ang lungsod sa Impasug-ong ug ingon man ang syudad sa Valencia.

Ang maong mga pasidungog ug pag ila nga naangkon sa maong mga lungsod ug syudad isip pag ila sa tibuok nasud diha sa matag lokalidad alang sa pag promotar ug pag-implememtar niini sa Disaster Risk Reduction and Management, Climate Change Adaptation, ug ingon man sa Humanitarian Assistance Programs alang sa pagpakusog sa LGUs Resilience and Adaptive capacities.