Patay’ng lawas sa piniriso sa Gensan City Jail gidala na sa kabanay

General Santos City–Gidala na sa ilang pinuy-anan sa Maitum Sarangani Province ang patayng lawas sa usa ka binilanggo sa Gensan City Jail human kining namatay.
Naila ang inmate nga si Balong Alpas Cobi, 46 anyos, ulitawo nga taga Brgy Poblacion, Maitum Sarangani Province kinsa gikaingong nag-atubang ug kasong rape og ilegal nga droga.
Sa impormasyong nahipos sa RMN News Team, giatake ang nahisgutan atul sa hearing niini sa iyang kaso sa Hall of Justice sa Barangay Lagao bandang alas 2:50 ang takna sa hapon.
Gidala pa sa Dr. Jorge Royeca Hospital ang piniriso apan gideklara kining dead on arrival.
Migawas sa findings nga cardiac arrest secondary to cerebral vascular accident community acquired pneumonia ang hinungdan sa kamatayon niini.
Sa pakighinabi sa RMN Gensan kay alyas Inday, igsuon sa namatay nga dili sya tantong kombinsido sa gikaingong hinungdan sa kamatayon apan sa mga pagduda nga basin gikulata ang biktima. Dili pa usab kini makabungat og pahayag kung plano ba nila kining paimbestigahan.(JB)