Suspek nga napatay sa operasyon sa kapulisan sa Koronadal, notado

South Cotabato—Gikonsiderang usa ka high value target sa kapulisan ang target drug suspek nga napatay sa buy-bust operation nga si Richard Bernal, hingkod ang pangidaron, residente sa Purok Aurora, Brgy. Zone 4, Koronadal City kansa gikaingong misukol sa otoridad hinungdan nga kini napusilan ug namatay.
Sumala pa ni Police Lieutenant Rey Sotelo Investigation Intelligence Officer sa Koronadal Police Station nga ang maong operasyon ang gilusad sa mga sakop sa Regional Police Drug Enforcement Unit 12 kon RPDEU sa Purok Maligaya, Brgy. Carpenter Hill sa naasoy’ng syudad pasado alas 7:00 sa buntag.
Pamahayag sa opisyal nga dihang nasayran sa suspek nga Pulis ang iyang ka-transaksyon niadtong higayona misukol matud pa sa otoridad rason nga kini gibalsan ug pusil sa mga Pulis nga misangko sa iyang kamatayon.
Dugang pa ni Sotelo nga anaa usab sa drug watchlist sa kapulisan ang nasangpit nga nagpadayon sa iyang ilIigal nga kalihukan hinungdan nga kini gi-operasyonan.
Nasayran nga narekober sa posisyon sa suspek ang usa ka unit sa .38 revolver, mga basiyo ug pipila ka mga sachet sa gikatahapang shabu.(RV)