General Santos City—hingpit na gyud nga nakauli dinhi sa syudad ang patayng lawas sa Sundalong taga Gensan nga namatay atol sa Engkwentro tali sa Armadong kusog sa Pilipinas ug grupo sa teroristang Mauti Group sa marawi City.
Alas 10:00 as buntag kagahapong adlawa dihang miabot ang CI30 helicopter sa militar gikan sa Port Bonifacio sa Gensan International Airport sakay ang patayng lawas sa sundalong si PFC Marvin Rusell Gomez nga taga Prk. Putting Bato, Barangay Calumpang.
Si Gomez usa sa 13 ka mga miyembro sa Philippine Marines nga namatay sa pakigbakbakan sa mga Maute sa Marawi niadtong nakalabayng simama.
Mga opisyal sa syudad misugat sa nahisgutan sa Airport diin gihatagan kini ug Heroes welcome tungod sa pagsakripisyo niini sa iyang kinabuhi tungod ug alang sa nasud.
Niadtong Martes atol sa regular nga session sa Sangguniang panglungsopd sa syudad, gipasidunggan sa mga konsehal ang nahisgutan tungod sa iyang kabayanihan.
Gibutyag ni City Councilor Lourdes Casabuena, dili angayang kalimtan ang gihimong kabayanihan ni PFC Gomez kung asa gibuhis niini ang iyang kinabuhi aron lang nga mapanalipdan ang katawhan sa Marawi City batok sa mga terorista.
