General Santos City—padayon pa ang gihimong imbistigasyon sa Police Station 4 kalabutan sa kamatayon sa usa ka lalaki kansa una nang nakaplagan sa bakanting luna sa may Diversion Road, Barangay Mabuhay ning dakbayan.
Alas 7:30 ang takna kaganinang buntag dihang nakaplagan sa nangaging tawo sa maong lugar ang patayng lawas sa nasangpit kansa may mga samad pinusilan.
Basi sa pagsuta sa mga personahe sa SOCO aduna kini samad pinusilan sa iyang ulo ingon man sa iyang tiil nga bahin.
Pahayag usab sa mga residenti sa lugar nga alas 10:00 ang takna sa gabie kagahapong adlawa dihang nakadungog sila ug buto sa pusil apan wala lang nila panumbalinga, pagkabuntag ila nalang nabalitaan nga adunay nakaplagang patay sa lugar.
Sa karon wala pay niclaim sa patayng lawas sa biktima kansa anaa karon sa lokal nga punerarya dinhi sa dakbayan.
