Alabel, Sarangani Province – wala pa mailhan hangtud sa kasamtangan ang patayng lawas sa usa ka lalaki nga una nang nakaplagan nga nadugta na sa Prk. Maharlika, Alabel Sarangani Province.
Alas 5:00 ang takna sa hapon niadotng Domingo, May 21, 2017 dihang nakaplagan ang patayng lawas sa usa ka lalaki nga anaa na ilawom sa state of decomposition sa mga empleyado sa maong sagingan.
Subay sa inisyal nga imbistigasyon sa Alabel Municipal Police Station nasuta nga adunay mga samad dinunggaban ang biktima kansa gituohang hinungdan sa iyang kamatayon.
Biktima gibana-banaang anaa sa 35 ngadto na sa 40 anyos ang pang-edaron samtang anaa sa 5’2 ngadto na sa 5’4 ang gitas-on nakasul-ob ug puti nga T-shirt, n akajacket ug nakapantalon ug maong.
Sa inisyal nga imbistgasyon sa Alabel Municipal Police Station gituohang gilabay lang sa lugar ang patayng lawas sa nasampit nga biktima. Samtang posibli nga dili taga Alabel ang nahisgutan gumikan wala pa may report sa ilang buhatan nga adunay namissing nga tawo.
Padayon hinuon sa pagpanawagana ng Kapulisan ngadto sa mga nawad-an ug miyembro sa pamilya nga mahidangat lang sa ilang buhatan aron nga sutaon kung ila bang kabana yang biktima.
