Davao City- Wala pa mailhi karon ang usa ka lalaki nga nakaplagang patay nga naglutaw sa dagat sa Cuaco, Barangay Pampanga, Lanang syudad sa Davao kaganihang buntag.
Base sa report gikan sa kapolisan sa Sasa, ang biktima nagpangidaron og 40 ngadto sa 45 anyos, dunay gitas-on nga 5’4”, nagsul-ob og light green nga short ug light grey nga sanina.
Matud sa imbestigasyon sa Sasa police station, alas 9:00 sa buntag nakaplagan sa usa ka mananagat ang maong patay’ng lawas nga anaa na sa state of decomposition nga gituhoang tulo na ka adlaw nga naglutaw sa dagat ug dunay samad sa likod nga bahin.
Tungod niini, kinahanglang ipailawom sa awtopsiya ang biktima aron masayran ang hinungdan sa kamatayon kini matod pa sa pagsusi sa kapolisan sa Sasa.
Kasamang Bernard Pantallon
