Pataynglawas sa isa ka babaji nakit-an sa Brgy. Taft, Surigao City

Pataynglawas sa isa ka babaji nakit-an sa Brgy. Taft, Surigao City. Tagkilaya an biktima na si Vicky Seraspe Lago, 68 anyos, dayaga, residente sa Purok Calachuchi, Brgy. Taft, Surigao City. Nakit-an ini sa may 2nd floor sa ija taghuy-an na nagdaub na, posible na natumba human tag-atake sa kasing-kasing. Bana-bana na 2 hangtud 3 ka adlaw na ini na namatay resulta kay in state of decomposition na an lawas sa dihang nadiskubrihan. Una na nagsulti an mga residente sa palibot na natingaya sila sa grabe ka baho sa palibot ug didto na nakit-an si Lago na wayay kinabuhi. An isa sa mga lumon nan biktima na si Bonfrey Pacqueo Lago na an nagsumbong sa City PNP sa nakit-ang patayng lawas. Si Lago an temporaryo na tagpahimutang sa Nilo Funeral Homes, tagtakda ipailayom sa otopsiya kuman adlawa ug diretso ilubong.