*South Cotabato- *Gibutyag karon ni Philippine Drug Enforcement Agency PDEA-12 regional director Gil Cesario Castro nga miyembro sa usa ka dako nga drug ring sa soccsksargen ang narco-businessman nga si Alvin Keith Valerio nga nasikop sa hiniusang pwersa sa PDEA-12 og PNP sa may Antipolo subdivision Koronadal.
Sumala ni PDEA-12 director Castro, nga matud pa miyembro ang nasampit nga suspek sa El Patron Drug Group nga usa ka grupo kung asa ang mga myembro ang ga-operate nga mga drug lords sa probinsya sa South Cotabato, Sarangani Province og General Santos City. Gikaingong ang El Patron Drug Group ang maoy gahatag ug supply sa droga ngadto sa mga drug pushers nga naga-operate sa region 12.
Dugang pa sa PDEA nga si Valerio ang kauban matud pa sa nahaunang nasikop nga big time drug lord og negosyante nga si Balong Espinosa sa Koronadal og Maasim Mayor Anecito Lopez Jr.
Kahinumduman nga nakumpiska sa operatiba sa PDEA ngadto kang Valerio ang mukabat sa kapin P1 ka milyong ka pesos nga kantidad sa shabu mga armas og uban pang mga drug paraphernalia. (Emir Bariquit)
