General Santos City—kasong pagsupak sa RA 9165 (comprehensive dangerous drug act of 2002) ug Illegal Possession Of Explosives ang ipasang-at sa Municipal Treasurer sa Palimbang, Sultan Kudarat nga si Joy Nadar ug bana niining si Jojo Nadar human nga nakuhaan ang ilang panimalay nga nahimutang dinhi sa Gensan ug (5) ka sachet sa gituohang shabu ug 2 ka eksplosibo sa gipahigayon nga raid sa PDEA niadtong nakalabayng adlaw.
Samtang gawas sa mga kasong ipasang-at ngadto sa mga suspect posibli usab sila nga mag-atubang ug kasong Anti Graft And Corrupt Practices Act kung mapamatud-an sa PDEA nga ginamanipula nila ang mga papeles sa munisipyo sa Palimbang aron nga makakwarta.
Gibutyag ni PDEA Dir. Gil Castro nga ihatag nila ngadto sa Commission On Audit ug sa uban pang opisina sa goberno ang mga papeles nga iyaha sa Municipal Government sa Palimbang nga ilang nakuha gikan sa panimalay sa mga suspek. tumong aron nga masuta kung adunay ginahimong hocus Focus ang mga nasangpit. (Dave Silagan)
