Davao City – Gipahinumdoman sa Davao City Police Office kun DCPO ang mga drivers sa bag-ong Mobile Patrol Cars nga ampingan kini atol sa trabaho ug operasyon.
Kini ang subling pahinumdom ni Davao City Police Office City Director Police Senior Supt Alexander Tagum ngadto sa mga drivers diin sab angay kini ampingan aron sa pagtabang sa pagbantay sa seguridad ug sundon ang mando ni Presidente Rodrigo Duterte nga tarungon kini og dala ilabi na nga dili ipagamit sa mga dili hanas pa mu-drive.
Kahinumdoman nga una nga nagpahimangno ang pamuno nasud atol sa inagurasyon sa Regional Crime Laboratory Office (RCLO) ug turnover sa 26 ka mga mobile patrol cars nga gikan sa usa ka international group sa Candelaria Street, Ecoland ning syudad sa Davao kaniadtong Lunes nga dili gamiton sa personal ang mga sakyanan gani pinaagi niini matutukan pa ang pagbantay sa seguridad sa tibuok syudad sa Davao.
Radyoman Don Pulayao
