Na-intercept sang Philippine Coast Guard ang duha ka truck nga naga-karga sang Vietnamese Rice sa Barcelona Port, Barangay Old Poblacion, syudad sang Escalante, kahapon.
Suno kay Negros Occidental – Coast Guard Lt. Commander – Rockliff Buling, nga nagapatigayon sila sang routine inspection sang ila ma-diskubrehan nga may yara sang ‘discrepancy’ sa declaration sang mga amo nga kargamento.
Nahibalu-an nga FEEDS para sa sapat ang naka-declare nga karga sang truck apang gin-husisa sang coast guard – ila na-intercept ang kapin sa 600 ka sako sang bugas gikan sa Vietnam.
Halin sa Cebu ang amo nga shipment kag naka-abot sa probinsya sang Negros Occidental pina-agi sa RORO apang wala naman sang may napakita nga dokumento gikan sa Bureau of Customs ang mga tinawo sang amo nga delivery truck.
