Ginpangunahan ni Negros Occidental Gov. Eugenio Bong Lacson ang groundbreaking ceremony para sa PCG Radar Station sa Bredo Port, Bacolod City upod si Philippine Coast Guard Southern Visayas District Head, Commodore Tito Alvin Andal.
Suno kay Gov. Lacson ini ang senyales sang nagakatabo nga progreso nga magakahulugan sang epektibo kag mabakud nga pagdul-ong sang serbisyo sang PCG sa bahin sang marine safety, marine environmental protection, marine search and rescue, maritime security kag law enforcement.
Ginpasalamatan man sang gobernador ang Coast Guard sa ila serbisyo kag pagbantay sa diin iya man sila ginkilala bilang ka-partner sang probinsya sa pagtinguha nga matapna ang paglapta sang COVID-19 pandemic.
Nahibaluan nga ang amo nga Radar Station ang nahamtang sa isa ka 500-square meter facility nga pagalakipan sang isa ka 2-storey building kag isa ka tower nga amo ang pagahamtangan sang radar equipment.
Ini amo ang maga-control sang sea traffic kag magatapna sa illegal nga mga aktibidad kaangay sang smugging kag illegal fishing.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
