Nanawagan si Presidential Communications Operations Office Secretary Martin Andanar sa publiko nga magpabiling kalmado kalabot sa 2019 novel coronavirus – acute respitatory diseases kon 2019 nCov – ARD sa Pilipinas.
Sa interview sa RMN DXMB Malaybalay ngadto kang Andanar, gi-awhag usab niini ang publiko nga magbantay sa fake news ilabina sa social media.
Matud niini nga adunay mga nikatag nga fake news nga kono tambal nga maka-ayo sa NCOV. Sigun niya nga walay kamatouran ang mao nga gipakatag nga impormasyon.
Gipasabot ni Andanar nga mas maayong maminaw ug motoo lamang sa mga kasayuran nga ipaabot gikan sa gobyerno tungod kay gihimo sa gobyerno ang mga hingtungdan precautionary measures aron masulbad ang mao nga health concern.
Gipamugos sa kalihim, nga on top of the situation ang Department of Health (DOH) kalabot sa maong hisgutanan.
Gitambag usab niya nga maminaw lamang sa lehitimong news agency sama sa RMN DXMB Malaybalay (Radio Mindanao Network kon RMN) aron makalikay sa fake news.
Ikaduha, gitambagan ni Andanar nga kung mahimo, likayan na lang ang dapit nga daghang mga tawo.
Dili usab angayan nga magpanic sama sa panic buying sa mga face masks.
Gipasabot niya nga dili kinahanglan ang face mask ilabina ug walay sakit ang tawo apan angayang mugamit niini kadtong adunay mga ubo, sip-on ug kadtong adunay mga gibating seryosong sakit.
Kinahanglan usab daw nga sundon ang tambag sa gobyerno aron makalikay sa mao nga NCOV.
