Wala pa sang KLARO nga komunikasyon ang Philippine Charity Sweepstakes Office – PCSO angot sa status sang KENO kag Small Town Lottery ukon STL.
Suno kay PCSO-Negros Occidental Branch Manager – Jose Manuel Villagracia nga sa memo nga ginpa-gwa sang ila nga head office kahapon, ang sarang lang ma-activate sa ila nga gaming operation amo ang draw sang LOTTO halin sa 2 digits, 3 digits, 4 digits, 6/42, 6/45 mega lotto, 6-49 super lotto, 6/55 grand lotto, kag 6/58 ultra lotto.
Paathag ni Villagracia nga maga-hulat sila sang dugang nga instruction kon ano ang status sang KENO, STL kag SCRATCH IT.
Gina-klaro man sang head sang PCSO, nga ONLINE na ang kapin sa 100 ka lotto stations sa Negros Occidental APANG may pila ka mga outlets nga wala nag-bukas sa kahapon sa diin ini ang desisyon na sang mga franchise owners.
