Bisan makausa wala mihatag sa iyang pamahayag si Sr Supt Ramir Perlas, provincial director sa Dinagat Provincial Police Office kalabut na sa pagpusil patay ni Dr. Vicente Soco, Jr.
Subay sa nasayran, nagdumili kini paghatag ug interview ngadto na sa media sa kamatayun sa maong doctor ug kumusta ang ilang imbestigasyun.
Angay masayran nga una nang migawas ang balita, nga nagpagawas ug kamanduan si PNP chief General Ronaldo Bato dela Rosa nga diin nga maka access ang media sa spot report sa kapulisan.
Dali usab kini gimanghimakak sa Police Regional Office 13, nga dili tinuod ang maong taho ug bukas ang PNP sa media.
Ang pag-patay ni Soco gihulagway nga “ ISTILO SA VIGILANTE”, diin riding in tandem ang mga suspetsado.
Hangtud sa pagkakarun wala pa nakapagawas sa update si Colonel Perlas, ug dili kini mutubag sa tawag sa pipila ka mga media.
Kalabut niini, Niapilar ngadto sa Media ang Police Community Relations (PCR) sa Police Regional Office 13 nga sabtun ang sitwasyon nganong hangtud karon walay gipagawas nga pamahayag ang Police Provincial Office (PPO) sa Dinagat Island Province subay sa pagpusil patay kang Dr. Vicente Soco, Jr, ang Provincial Health Officer sa maong probinsya.
Sigun ni SPO2 Zina Panaligan nga tungod sa ka daku sa kaso sa pagpatay nga naglambigit sa usa ka Health Officer, nagkapuliki pa ang PPO Dinagat sa pagpahigayun sa makuting imbistigasyon.
Niya pa nga walay kamandoan gikan ni PCSupt. Rolando Felix nga did-an ang Media sa pagkuha ug impormasyon sa maong insidenti.
Dugang pa opisyal nga ubos sa ilang Media Policy Relation sa PNP, dili pweding ipadayag ang detalyadong impormasyon sa mga kaso nga gipaagi pa sa imbistigasyon.
