Indi pa kaya sang iya nga pamunuan suno kay Philippine drug Enforcement Agency o Pdea 12 Regional Director Gil Cesario Castro nga sertipikahan ang deklarasyon nga drug cleared ang Brgy. Ambalgan, Sto. Niño, South Cotabato tungod nagapadayon pa ang illegal drug activities sa nasambit nga barangay suno pa.
May-angot sini nagapangayo siya sang pag-intiendi sa mga kapolisan, stakeholders kag iban pa sa nangin desisyon.
Suno kay Castro pakitang tao lang kag indi sensiro si Kapitan Ambalgan sa paglimpyo sa iya nga barangay tungod wala man lang gani suno pa ini sang napaaresto kag napasurender nga residente sini nga imbolbado sa iligal nga buluhaton.
Advice naman niya sa opisyal nga hibaluon ang mga parameters nga gintalana sang balaud sa deklarasyon sang drug cleared barangay.
Pasiguro naman ni Director Castro nga himuon nila ang tanan nga madeklarar nga drug cleared ang barangay Ambalgan sa tama nga panahon.
