Gibali wala ni PDEA Regional Director Wilkins Villanueva, ang pasangil ni Imam Rasol Sarip kinsa mi-ingon, nga planted sa PDEA ang suspected SHABU nga nakuha sa iyang aparador, atol sa pagpangrunda kagahapon sa iyang balay sa Barra Macabalan ning syudad sa Cagayan de Oro.
Matud ni Villanueva nga mas maayo pag sa korte na lamang tubagon ni Sarip ang kasong ilang ipasaka batok kaniya, kay sa mag-imbito pag estorya batok sa PDEA.
Matud ni Villanueva, nga kapin sa usa ka bulan ang ilang pag- surveillance batok sa maong suspect, hangtud nga ang maong suspitsado, ilang nadakpan kagahapon pinasikad sa search warrant nga gi-issue ni Judge Dennis Alcantar sa Regional Trial court Branch 18.
Matud ni Villanueva, nga saksi ang mga barangay official sa Macabalan, ug pipila ka sakop sa media, nga ilang nakuha ang suspected SHABU ni Sarip sa iyang kuwarto sa ground floor sa iyang pinoy-anan, sa Barra Macabalan ning syudad.
