General Santos City— gihatagan ug ultimatum sa PDEA si Maasim Mayor Jojo Lopez hangtod sa alas 12:00 sa udto aron musurender human nga nakuhaan ug shabu laboratory Equipment, (1) ka kilo nga gituohang shabu, mga tablitas nga gituohang ecstasy, mga high powered Firearms, eksplosibo, mga drug Paraphernalia’s ug daghan pang uban sa gihimong ronda alas 1:00 pasado ang takna kaganinang kaadlawon.
Sumala ni PDEA-12 Director Gil Cesario Castro nga nagpadayon pa karon ang ilang hot pursuit operation batok sa mayor. Nasayran nga nakasibat ang mayor ug wala masayran karon kung hain na nagtago-tago.
Nasayran nga si Sen. Manny Pacquaio nanawagan na ngadto sa nahisgutan nga musurender nalang ug tubagon ang kaso.
Sumala sa PDEA si Mayor Lopez ang gikaingong protector sa NPA ug Ansar Al Khilafa Philippines ug miyembro matud pa sa grupong El Patron Dug Group.
