ILOILO CITY – Ginkalipay sang Philippine Drug Enforcementr Agency (PDEA) ang madinalag-on nga operasyon sang kapulisan batuk sa number 1 drug lord sa Western Visayas nga si Richard Prevendido.
Suno kay *PDEA*-*6* Director* Wardley Getalla* nga nalipay sila nga nagbunga ang pagpaninguha sang kapulisan nga malab-ot ang high value target nga si Prevendido ilabi pa nga tuman sini kabudlay dakpon bangud nga nagasaylo-saylo sang lugar nga ginapanaguan.
Sa pagkapatay kay Prevendido, nagalaum si Getalla nga maganubo na ang supply sang illegal nga druga sa rehiyon 6.
Subong man, ginhatagan pagtamod ni Getalla nga indi sila mag-mangin kampante bangud may posibilidad nga may magabulos pa kay Prevendido ilabi na ang mga yara sa ila downline kabangdanan nga magapadayon ang ila kampanya kontra ilegal nga druga tubtub maubos dakop ang mga drug pusher.PDEA ginakalipay ang madinalag-on nga operasyon sang PNP kay Richard Prevendido.
